Үөһээ Бүлүү улууһугар 2022 сылга буолар Олоҥхо ыһыаҕын чэрчитинэн Олоҥхо декадатыгар аналлаах Өргүөттээҕи культура уонна спорт киинэ, Өргүөттээҕи модельнай библиотека ыытар мероприятиеларын программата.

Олоҥхо алыптаах дойдута – онлайн күрэх балаһыанньата.
Буолар кэмэ: – сэтинньи 25 күнүттэн, ахсынньы 5 күнүгэр дылы.
✅Күрэх сыала – соруга: – Саха омук төрүт эпоһын киэҥ араҥаҕа пропагандалааһын, кэлэр кэнчээри ыччат дьоҥҥо кэрэхсэбили, киэн туттууну үөскэтии, айар дьоҕурдаах дьону көҕүлээһин.
✅Күрэх ирдэбиллэрэ: – Күрэх икки түһүмэҕинэн барар. Кыттааччы сааһа хааччахтаммат, призовой взнос ирдэммэт.
🟢1 түһүмэх: – «ОЛОҤХО ГЕРОЙДАРЫН УОБАРАСТАРА» – онлайн уруһуй күрэҕэ.
. Кыттааччы олоҥхо персонаһын уруһуйдаан ыытар. Кырааската хааччахтаммат, үлэ А4,А5 формакка буолуон сөп. Үлэлэргэ теманы арыйыы, уруһуй ньымаларын таба туһаныы сыаналанар.
🟢2 түһүмэх: – Реас Алексеевич Кулаковскай “Орто дойду олохтооҕо Ордьоот оҕонньор” олоҥхотун сюжетыгар олоҕуран пластилинынан композиция күрэҕэ. Үлэҕэ олоҥхо сюжета көстөрө булгуччулаах ирдэбил. Араас бутафория туттуллара хааччахтаммат.
✅Күрэх түмүгэ икки түһүмэх түмүгүнэн быһаарыллар. Үлэлэри хаартыскалаан ыытан баран, КСК дьиэтигэр тиксэрэҕит.
✅Үлэлэр Өргүөттээҕи КСК, Өргүөттээҕи модельнай библиотека инстаграм страницаларыгар тахсыахтара. “Көрөөччү биһирэбилэ” – номинация куоластааһын көмөтүнэн барыаҕа.
✅Наҕараадалааһын : – Дьүүллүүр сүбэ быһаарыытынан бастыҥ үлэлэр Грамотанан уонна сертификаттарынан наҕараадаланыахтара..