ОРГЕТСКАЯ СЕЛЬСКАЯ МОДЕЛЬНАЯ БИБЛИОТЕКА

Саха норуодунай бэйиэтэ Петр Николаевич Тобуруокап

Үөһээ Бүлүү улууһугар Өргүөт нэһилиэгэр саха народнай поэта, оҕо-аймах тапталлаах суруйааччыта, биир дойдулаахпыт Пётр Николаевич Тобуруокап төрөөбүтэ 105 сылыгар аналлаах Өргүөт, Быракаан, “Тобуруокап сиэннэрэ” этно – бөлөх кыттыылаах тэрээһин буолла.

Пётр Николаевич төрөппүт кыра кыыһа Саргылана Петровна Наумова, күтүөтэ, саха народнай суруйааччыта Дмитрий Федосеевич Наумов уонна Нам нэһилиэгиттэн П.Н.Тобуруокап аатынан түмэл салайааччыта Иван Егорович Чыычаахап ыҥырыылаах ыалдьыт буолан кэлэн бардылар.

Пётр Николаевич олорбут дьиэтин көрдүлэр, оскуолаҕа үлэлээбит сылларыгар сэриигэ аттаммыт сиригэр өйдөбүнньүк бэлиэҕэ сырыттылар.

Өргүөттээҕи культура киинигэр нэһилиэк дьонун кытта көрсөн, ааспыты ахтан, сэһэргэһэн күндү ыалдьыт буоллулар.

Өргүөттээҕи модельнай библиотека сэбиэдиссэйэ Захарова И.И. Пётр Николаевич Өргүөтү кытта ситимин туһунан кэпсээтэ. Быракаан нэһилиэгин сельскэй библиотекатын сүрүннүүр библиотекара Баянаева М.Н. Пётр Николаевич олоҕун аргыһын, кэргэнин Евгения Васильевна Ноговицына туһунан сырдатта.

Петр-Тобуруокап-Өргүөт-нэһилиэгин-кытта-ситимэ

Бүөтүр Тобуруокап 105 сыла Өргүөккэ. Хотун Бүлүү ТВ. Александр Адамов уһулуута.