Уус-Алдан Курбуһаҕыттан төрүттээх Василий Егорович Пестряков -Курбуһах Уолун «Ыллыктаах ыраларым» диэн бастакы кинигэм күн сирин көрдө. Орто туруу дойдуга төрөөн-үөскээн хас биирдии киһи кэрэни кэрэхсии көрө-истэ, сэргии улаатар. Ол курдук улаатан, ситэн-хотон ыал буолан баран, 1985 сылтан айар үлэ абылаҥар ылларан, билбиппин көрбүппүн хоһооҥҥо тиһэн барбытым. Ватсап үөдүйүөҕүттэн хоһоонньуттар группаларыгар  киирэн хоһооннорбун хомуурунньуктарга бэчээттэтэн  барбытым, «Айар кут», «Олохпут оһуордаах ыллыгынан»,«Уран тыл оһуора», «Айар кут-Көҥүл иэйии». Хоһооннорбор ырыалар айыллан барбыттара. А.Дмитриев-Таммах, «Кэргэммэр», «Доҕорбор», «Сиэнчээммэр». В.Яковлева-Чэлгийээнэ, «Маҥнайгы билсиһии». Е.Протопопова-Александрова «Курбуһахха», хоһооннорбор ырыа айыллан, «Ыллаа дуу доҕоруом», «Киһи сиргэ чэл[1]тиийиэхтээх» диэн ырыа сборниктарыгар киирбиттэрэ. Маны таһынан онлайн ыытыллар хоһоон күрэхтэригэр  кыттан хоһооннорум, ырыаларым дипломант, лауреат  үрдүк аатын ылбыттара. Өктөмнөөҕү норуот тыйаатырын  иһинэн өрөспүүблүкэтээҕи хоһоон айыытын күрэҕэр:  «Ураты тыллаах хоһоонньут», «Айылгылаах ааҕааччы»,

«Талба талаан хоһоонньут», Өрөспүбүлүкээнискэй  хоһоон күрэҕэр «Кыһынныын көрсүһүү» – хоһоммунан  кыттан бастакы миэстэҕэ тиксэн дипломунан, харчынан наҕараадаламмытым. Хоһооннорбор мелодия суруйан холонон көрөбүн. Многогранность якутской зимы «Фестивальга» – «Маҥан хаар» ырыанан кыттан Б.Д.Васильев  ыллаан 1 степенээх дипломант, Дьокуускайдааҕы Арчы  Дьиэтин иһинэн тапталлаахтар күннэригэр ыытыллыбыт «Сүрэхтэр кэпсэтэр кэмнэрэ»-диэн куонкуруска эдэр  ыччатарга Сардаана Поскачина «Таайымаҥ»- ырыабын  ыллаан Бастакы Үрдэл номинацияны ылан үөрпүтэ.Уус Алдаҥҥа Никифоров.В.В – Күлүмнүүр аатынан «Тойон  Мүрү» култуура киинигэр, Мүрү-2021 44 төгүлүн ыытыллыбыт «Дууһам иэйиитэ-Төрөөбүт дойдубар» конкуруска «Дойдум миэнэ Курбуһаҕым» ырыабын А.И.Протопопов ыллаан Дипломант буолбута. Ырыаларым «Тэтим», «Виктория» передачаларыгар ылламмыттара.  Төрөөбүт дойдум айылҕатын,тапталы хомоҕой  хоһооннорбор тиһэбин. Иннибэр эрэл кыымнаах, айар суолу тутуһуом.

Автор.