Саха сирин народнай поэта, переводчик.

Василий Сивцев Үөһээ Бүлүү улууһун Боотулу сэлиэнньэтигэр төрөөбүтэ. Дьокуускай куорат 2№-дээх орто оскуолатын бүтэрбитэ. 1959 ыллаахха Саха судаарыстыбаннай үнүбэрситиэтин бүтэрбитэ. Ол кэннэ Дьокуускайдааҕы кинигэ кыһатыгар үлэлээбитэ. 1961-1963 сс. — тыл, литература уонна история үнүстүүтүн научнай үлэһитэ.

1963 сыллаахтан Уус Алдан, Үөһээ Дьааҥы, Булуҥ, Абый уонна Үөһээ Бүлүү улуустарыгар учууталлаабыта, сэбиэдиссэйдээбитэ, оскуола дириэктэринэн үлэлээбитэ.

Ол кэннэ методиһынан, кэрэспэдьиэнинэн, «Кыым» хаһыат салаатын сэбиэдиссэйинэн, суруйааччылар бырабылыанньаларын эппиэтинэстээх сэкирэтээринэн үлэлээбитэ.

 Василий Тарасович Сивцев — И.М. Гоголев -Кындыл аатынан бириэмийэ лауреата, суруналыыстыка эйгэтигэр А.П. Илларионов аатынан бириэмийэ лауреата, Үөһээ Бүлүү улууһун уонна Үөһээ Бүлүү Боотулу нэһилиэгин бочуоттаах гражданина.

Василий Сивцев саха литературата сайдарыгар сүҥкэн кылаатын киллэрбитэ. «Надежда» диэн маҥнайгы хоһооно 1954 сыллаахха «Эдэр коммунист» хаһыакка тахсыбыта. Василий 600-тэн тахса сонеттары суруйбута, 20-тэн тахса поэтическай хомуурунньуктары таһаарбыта.

Василий Тарасович Сивцев талааннаах критик уонна тылбаасчыт этэ. Эбээн поэттарын А. Кривошапкин, В. Лебедев хоһооннорун тылбаастаабыта, И.Гоголев — Кындыл туһунан ахтыы уонна эссе суруйбута.

Эһиги болҕомтоҕутугар виртуальнай кинигэ быыстапката