Быйыл, 2023 с. Тимофей Сметанин, Яков Стручков “Мэхээлэчээн булчут кэпсээннэрэ” кыра саастаах оскуола оҕолоругар анаан суруйбут кинигэлэрэ – үбүлүөйэ – 80 сааһын туолар.
Кинигэ
Яков Викторович Стручков 1943 сыллаахха саха биир биллэр суруйааччытын Тимофей Егорович Сметанины кытта көрсөн, кинилиин кыттыһан оҕолорго аналлаах «Мэхээлэчээн булчут кэпсээннэрэ» диэн омуннаах кинигэни бэчээттэппиттэрэ. «Тимофейы мин потребкооперация техникумугар сэрии иннинэ үөрэппитим. Кини оччолорго литератураҕа саҥа холонон эрэр кэмэ этэ. Талааннааҕа оччоттон биллэрэ. Табыллан, тапсан, бэркэ диэн суруксуттаабыппыт.» диэн ахтара Яков Викторович. Бу кинигэ оҕолуун – улаханныын таттаран туран ааҕар кинигэлэрэ буолбута. Оҕолор Мэхээлэчээн булчут курдук байанайдаах булчут буолуохтарын, төбөҕө кус сымыытыан, өлөр суолтан бөрө быыһыан, эһэни кытта хабыр хапсыһыыга сылдьыахтарын баҕараллара.
Бу кинигэ иккиһин 1961 сыллаахха тахсыбыта, ойуутун аатырбыт худуоһунньук Ефим Шапошников оҥорбута.
«Мэхээлэчээн булчут кэпсээннэрэ» диэн кинигэни Электроннай библиотекаҕа бу сигэнэн ааҕыахха сөп https://new.nlrs.ru/open/10730
Тимофей Сметанин “Мэхээлэчээн булчут кэпсээннэрэ” аудио кэпсээн
Киинэ
Фронтовик-суруйааччы Тимофей Сметанин оҕолорго аналлаах айымньытыгар олоҕурбут сахалыы киинэ туһунан сүрүн режиссер Александр Лукин, сүрүн геройдар Федот Львов уонна кини сиэнин кырачаан Мишут оруолун оонньуур Дамир Дьяконов, Москуба куораттан анал үөрэхтээх эдэр оператор Арина Володина, киинэ продюсердара Сандал Баишев уонна Зинаида Григорьева интервьюларыгар көрүҥ, истиҥ, сэргээҥ.
IT технологияларынан уонна компьютернай графиканан оҥоһуллар саҥа киинэ 2024 сылга улахан экраҥҥа тахсыахтаах.
Виртуальнай оонньуу
Буойун-суруйааччы Тимофей Сметанин уонна учуутал Яков Стручков “Мэхээлэчээн булчут кэпсээннэрэ” диэн оҕолорго аналлаах кинигэтиттэн “Куһу ураҕаһынан да бултуурбут” диэн кэпсээҥҥэ олоҕурбут виртуальнай оонньуу (VR оонньуу)
Ыам ыйын 19 күнүгэр, П.А. Ойуунускай аатынан литература түмэлигэр Тимофей Сметанин уонна Яков Стручков «Мэхээлэчээн булчут кэпсээннэрэ» диэн айымньыларынан виртуальнай оонньуу сүрэхтэниитэ буолан ааста.
https://old.nlrs.ru/news/current/recommend/10490/?ysclid=lnv3t6cpc1730362166
