Символ 2023 года по восточному календарю – Черный Водяной Кролик. Пожалуй, все мы знаем о существовании Восточного гороскопа и о том, что каждый год находится под покровительством одного из 12 животных. «Владыкой» 2023-го станет Чёрный Водяной Кролик – очаровательный пушистик, символ доброты и семейных ценностей. Ушастик является четвёртым по счёту «покровителем», следующим сразу после Тигра.
По мнению астрологов, 2023-й будет очень счастливым!
Куобахчааннар ырыалара
Григорий Данилов тыллара
Н. Бубякин мелодията
Куруҥ тыаҕа мустаммыт,
Куобахчааннар элбэхпит,
Иллээх кэргэн буоламмыт,
Иирсээн диэни билбэппи
Охсуһары үөхсэри
Отой олох сирэбит.
Ойуоккалыы оонньууру
Олус, олус таптыыбыт.
Күһүн үүммүт кэнчээри
Кэбийиэххэ минньигэс,
Кыһын тымныы эрээри,
Көрдөөх дьоҥҥо ичигэс.
Куруҥ тыаҕа мустаммыт,
Куобахчааннар элбэхпит,
Иллээх кэргэн буоламмыт,
Иирсээн диэни билбэппит.
Иван Мигалкин
КУОБАХЧААН
Эрэлис-чэрэлис
Көрөрүм түргэн,
Элэкис-мэлэкис
Истэрим сэргэх.
Минньигэс эбиэппин –
Талаҕы кэрбиибин,
Моркуоп да биэрдэргин
Отойун сирбэппин.
Куобах, куобах барахсан
Куобах, куобах барахсан
Куотан-куотан кэлэммин
Ойуур-ойуур быыhыгар
Утуйа-утуйа сытабын.
Булчут, булчут оҕонньор
Булбат, булбат инигин
Ытыҥ, ытыҥ обургу
Ыраах баран хаалла!
Петр Одорусов
Куобахчааннар
Куобахчааннар кыралар
Куруук куота сылдьаллар.
Саһыллар да сырсаллар,
Бөрөлөр да куттууллар.
Ол эрээри куобахтар
Олус үчүгэй кыыллар.
Оҕолору таптыыллар,
Ойуоккалаан оонньууллар.
Петр Одорусов
Куобах
Кытыы ыраах сирдээхпин
Куруҥ тыаҕа дьиэлээхпин.
Куруолукка тэҥнээхпин
Көп-ичигэс түүлээхпин.
Икки уһун кулгааҕым
Иһиллииллэр, истэллэр.
Хахха-дурда мастарым
Харыстыыллар, кистииллэр.
Саһа-саһа сылдьабын
Саһылтан да саллабын.
Дьулайабын бөрөттөн
Куттанабын өлөртөн.
Ойуур хаарын оймуубун
Ойуулууру сатыыбын.
Ойуоккалаан оонньуубун
Оҕолору таптыыбын.
А. Николаев
Куобах
Быһыйкаан атахтаах,
Быччаҕаркаан харахтаах,
Кылбаа маҥан куобахчаан
Кыһалҕата сүр баһаам.
Мутук тыаһа киниэхэ —
Буомба буолан иһиллэр,
Кутталыттан сэрэххэ
Куобах сытан кирийэр.
Туора-маары ыстанар,
Мунаах, мунньан суолунан
Булчуттары муннарар.
Өрүү хоргус бу кыылга
Өстөөхтөрө үгүстэр,
Алдьархайга, кутталга
Атахтара түргэттэр.
Петр Одорусов
Куобахчаан
Манна-онно ойуолуур
Маҥан хаары ойуулуур.
Куобахчаан, куобахчаан
Худуоһунньук куобахчаан !
Халыҥ ойуур хаххалаах
Ыккый ойуур ыыралаах.
Куобахчаан, куобахчаан
Худуоһунньук куобахчаан !
Иннокентий Эртюков
Куобах
Ойуолууру эрэ сатыыбын,
Ончу сатаан хаампаппын,
Олооччута да суох буолларбын,
Онньоччу үктэнэбин.
Куруҥ тыаҕа дьиэлээхпин.
Куттаһа суох куобахпын.
