Өргүөт нэһилиэгиттэн Лидия Дмитриевна уонна Илларион Михайлович Лепчиковтар, Үөһээ Бүлүүттэн Галина Афанасьевна уонна Георгий Михайлович Павловтар дьиэ кэргэттэрэ 50 сыл бииргэ олорбуттар.

Бу ыаллар Бырабыыталыстыба иһинэн Гражданнар туруктарын аактатын суруйар управление “Дьиэ кэргэн килбиэнэ” анал бэлиэни туттулар.

Үйэ аҥаара бииргэ олорбут ытык ыалга улуус баһылыгын махтал суругун социальнай боппуруостарга солбуйааччы Анна Уларова туттарда.