Саха сиригэр сыл ахсын муус устар маҥнайгы субботатыгар булчут күнэ бэлиэтэнэр.
2012 сыллаахтан, Саха Республикатын Президенин ыйааҕынан муус устар бастакы өрөбүлүгэр булчут күнэ бэлиэтэнэр. Бу бэлиэ күн Саха сирин айылҕатыгар уонна булт баайыгар харыстабыллаах сыһыаны үөскэтэр, чөлүгэр түһэрэр, төрүт дьарыгы тэнитэр, үйэтитэр сыалтан олохтоммута.
Саха сирин олохтоохторун баһыйар аҥаара – булчут дьон. Ити биһиги хааммытыгар баар. Түҥ былыргыттан олох тыйыс сокуона эр дьонтон бултууру-алтыыры ирдиирэ. Уол оҕону бултуурга олох кыра эрдэҕиттэн уһуйаллара. Саха сирин норуоттара булду кытта ситимнээх үгүс үтүө үгэстээхтэр, олортон биирдэстэрэ – айылҕа иччитигэр, булчуттар айыыһыттарыгар Баай Байанайга сүгүрүйүү буолар. Аҕалар, эһээлэр билиилэрин-көрүүлэрин, олохторун уопутун ыччаттарыгар биэрэллэр, айылҕаҕа, тыынар-тыыннаахха харыстабыллаахтык сыһыаннаһарга үөрэтэллэр.
Байанай үтүө хараҕынан көрдүн, эгэлгэ баайыттан күндүлээтин!
тургутук
