2023 сыл муус устар 15 күнүгэр саха биллиилээх поэта, тылбаасчыт, оҕо суруйааччыта Гавриил Григорьевич Вешников – Баал Хабырыыс  төрөөбүтэ 105 сыла бэлиэтэнэр.

1918 сыллаахха муус устар 15 күнүгэр Курбуһахха

Бороҕон улууһугар

(билигин Уус-Алдан улууһугар) төрөөбүт.

Дьокуускайдааҕы педтехникуму, Дьокуускайдааҕы пединституту бүтэрбит.

Орто оскуолаларга уонна педучилищеларга учууталлаабыт.

1969 сыллаахха муус устар 22 күнүгэр күн сириттэн барбыт.

Айар үлэтэ

Бастакы хоһооннорун уонна поэмаларын хомуурунньуга 1945 сыллаахха күн сирин көрбүт. Сорох айымньылара сэриини күөттээччилэри утарыы уонна Аан дойдуга эйэни олохтуурга ыҥырыы ис хоһоонноохтор. Поэт тас дойдулар оччотооҕу кэм Поль Робсон, Раймонд Дьен, Назым Хикмет курдук сирдээччилэригэр хоһооннорун анаабыттаах. Ааҕааччылар биһирэбиллэрин 1954 сыллаахха тахсыбыт «Доҕордоһуу тойуга» хомуурунньуга ылбыта, чуолаан Юлиус Фучик хорсун быһыытыгар анаммыт «Песнь бессмертия» поэмата. Оҕолорго анаан араас хоһооннору суруйбут. Баал Хабырыыс отут сыллаах айар үлэтин устатыгар нууччалыы уонна сахалыы тылынан уонтан тахса кинигэни таһаартарбыта. Кини айар үлэтигэр төрөөбүт дойдуга, ийэ айылҕаҕа уҕараабат таптал, хорсун быһыы, олох туһунан үгүһү хоһуйбута.

Бэйиэт айар үлэтэ үрдүктүк сыаналанан «Бочуот Знага» уордьанынан, «1941-1945 сс. Аҕа дойдуну көмүскүүр Улуу сэриигэ килбиэннээх үлэтин иһин» мэтээлинэн, Саха АССР Президиумун Бочуотунай грамотатынан уо.д.а. Бочуотунай грамоталарынан наҕараадаламмыта.