Күүстээхтэн күүстээх, сымсаттан сымса
Кус быһый, ат бөҕө дьоммут
Бычырдаан, Буучугурас, Мордьоно
Уруйдаммыт ааттара
Оо, элбэх кыыс сүрэҕин долгутара.
Оҕолорго, эдэрдэргэ
Спорт диэн тыллыын бииргэ, сэргэстэһэн иһиллэрэ.
Ситиһиллиэх элбэх чыпчаал ситимэ быстыбыта…
Эрчимнээх, хоодуот, быыппастар быччыҥ ыччат
Ийэ дойду көмүскэлигэр саа-саадах тутан,
Фашист үөрүн өргөстөһө, ытык сэриигэ аттаммыта.
Хапсаҕай — саха омугар бастакы нүөмэрдээх спорт национальнай көрүҥэ буолар. Бу көрүҥҥэ урут уруккуттан Үөһээ Бүлүү бөҕөстөрө инники күөҥҥэ сылдьаллара. Олортон саамай аатырбыт хапсаҕайдьыттарынан Н.К. Докторов — Бычырдаан, В.И. Степанов — Буучугурас, А.П. Васильев — Мордьоноохоп буолалларын ким да саарбаҕалаабата буолуо. Бу үс бөҕөс бэйэлэрин кэмнэригэр сүдү күүстэринэн, сымса хамсаныыларынан тэҥнээхтэрин булбатах, саха норуотугар номох буолбут киирсиилэрдээх чулуу уолаттарбыт буолаллар.
Саха сирин киэн туттар бөҕөһө, хапсаҕайга бастакы абсолютнай чемпиона. Мэйик нэһилиэгэр төрөөбүтэ.
Бөҕөс быһыытынан түһүлгэҕэ 15 сааһыттан туста тахсыбыта. Түөрт Бүлүү улууһун ыһыахтарыгар анаан-минээн атах оонньоон, сүүрэн, тустан аҥардастыы аатыран кыайыы көтөллөөх сылдьыбыта.
Аҕа дойду сэриитин кыттыылааҕа. Воронеж куораты босхолооһун кырыктаах кыргыһыытыгар ыараханнык бааһыран, икки баттыгынан эргиллэн иһэн, Иркутскай госпиталыгар сырдык тыына быстыбыт.
Алексей Петрович Васильев –
Куустээх Мордьонноохоп (1906-1947)
Хапсаҕайга САССР спордун маастара.
Далыр нэһилиэгэр Күүлэт сиригэр төрөөбүтэ.
Мэйик нэһилиэгэр учууталлаабыта.
Ортону үрдүнэн уҥуохтаах, 130 кг ыйааһыннаах саха бухатыыра этэ. Нэһилиэк киэн туттар бөҕөһө этэ.
Уоттаах сэрии кыттыылааҕа. Үгүс бойобуой наҕараадалардаах.
Үөһээ Бүлүүттэн төрүттээх уос номоҕо буолбут үс бухатыыр, уоттаах сэрии буойуннара:
Алексей Васильев-Мордьонноохоп, Василий Степанов- Буучугурас, Никита Докторов-Бычырдаан
үтүө ааттарын уйэтитэн 20-с Манчаары оонньууларын көрсө “Үс хоһуун” пааматынньык арыллыбыта.
